Home செய்திகள் இந்தியா வைகோ, ராமதாஸுக்கு எல்லாம் குரு., அரசியல் சாணக்கியர் – யார் இந்த ராம் விலாஸ் பஸ்வான்?

வைகோ, ராமதாஸுக்கு எல்லாம் குரு., அரசியல் சாணக்கியர் – யார் இந்த ராம் விலாஸ் பஸ்வான்?

தேர்தலுக்கு தேர்தல் கூட்டணி மாறும் தலைவர்களுக்கெல்லாம் குருவாக விளங்கிய மறைந்த மத்திய அமைச்சர் ராம் விலாஸ் பஸ்வான் குறித்து இந்த கட்டுரையில் பார்க்கலாம்.

மத்திய அமைச்சரும், லோக் ஜனசக்தி கட்சியின் நிறுவனத் தலைவருமான ராம் விலாஸ் பஸ்வான் உடல்நலக் குறைவு காரணமாக நேற்று காலமானார். பாஜக தலைமையிலான கூட்டணியில் உணவு, பொது விநியோகம், நுகா்வோா் விவகாரங்கள் துறை அமைச்சராக பதவி வகித்த ராம் விலாஸ் பஸ்வான், பிகாா் மாநிலத்தில் முக்கிய தலித் தலைவராக அறியப்பட்டவர்.

தனது 22வது வயதில், அரசியலில் குதித்த ராம் விலாஸ் பஸ்வான், அரசாங்க உத்தியோகத்திற்கு பதில், மக்கள் பணியை தேர்வு செய்தார். 1968ம் ஆண்டு தனக்கு கிடைத்த காவல் துணை கண்காணிப்பாளர் வேலையை விட்டுவிட்டு, அரசியல் பயணத்தை தொடங்கினார். 1969ம் ஆண்டு பிகார் சட்டமன்ற தேர்தலில் சம்யுக்தா சோசலிஸ்ட் கட்சி வேட்பாளராக போட்டியிட்டு தனது அரசியல் ஆட்டத்தை ராம் விலாஸ் ஆரம்பித்தார். பெரும் அரசியல் தலைவர்களின் ஆசியின்றி, ஆரவார பொதுகூட்டங்களில் பங்கெடுக்காமல் அமைதியாக முதல் தேர்தலில் வெற்றி பெற்றார்.

அன்று தொடங்கி 42 ஆண்டுகள் இடைவிடாத அரசியல் இன்னிங்ஸில் ராம் விலாஸ் நின்று விளையாடினார் . இந்திரா காந்தி பிரகடனப்படுத்திய அவசர நிலையின் போது சிறையில் வாடியதால், எமர்ஜென்சி நாயகனாகவும் உருமாறினார். 1977ம் ஆண்டு பிகாரின் ஹாஜிபூர் மக்களவை தொகுதியில் ஜனதா கட்சி வேட்பாளராக போட்டியிட்டு, 4.24 லட்சம் வாக்குகள் வித்தியாசத்தில் வெற்றி பெற்று உலக சாதனை படைத்தார்.

2000ம் ஆண்டு பிகாரின் தலித் முகமாக லோக் ஜனசக்தி கட்சியை ராம் விலாஸ் பஸ்வான் உருவாக்கினார். அரசியல் காற்றை உணர்ந்து, வெற்றி கூட்டணிகளில் இடம்பெறும் சாணக்கியராக திகழ்ந்தார். 10 முறை நாடாளுமன்ற உறுப்பினர், பல்வேறு கட்சிகளை சேர்ந்த ஆறு பிரதமர்களின் கீழ் அமைச்சர் என தேர்தலுக்கு தேர்தல் கூட்டணி மாறுவதில் வைகோ, ராமதாஸுக்கு எல்லாம் குருவாக விளங்கினார்.

மேலும், வி.பி.சிங் அட்சியின் போது மண்டல் கமிஷன், எஸ்சி எஸ்டி வன்கொடுமை தடுப்புச் சட்டம் போன்றவற்றை அமல்படுத்தியதில் சமூகநீதி காத்த நாயகனாக முக்கிய பங்காற்றினார். அரசியலில் படிபடியாக காய் நகர்த்தி பிகாரின் குக்கிராமத்தில் இருந்து டெல்லி ஜனபத்தில் சோனியா காந்தியின் பக்கத்து வீட்டுக்காரராக ராம் விலாஸ் மாறினார்.

2002 குஜராத் கலவரத்தால் பாஜக கூட்டணியில் இருந்து விலகி காங்கிரஸுடன் ராம் விலாஸ் கை கோர்த்தார். தனது மகன் சிராக் பஸ்வானின் வற்புறுத்தலால் 2014ம் ஆண்டும் மீண்டும் பாஜகவுடன் அவர் கூட்டணி அமைத்தார். தொடர்ந்து, 2019ம் ஆண்டில் லோக் ஜன்சக்தி கட்சியின் தலைவராக நாடாளுமன்ற உறுப்பினரும், தனது மகனுமான சிராக் பஸ்வானை அறிவித்தார்.

தற்போது, மத்தியில் பாஜக கூட்டணியில் இருக்கும் லோக் ஜன்சக்தி கட்சி, இம்மாத இறுதியில் நடைபெற உள்ள பிகார் சட்டமன்ற தேர்தலில் தனித்து போட்டியிடுகிறது. பொதுவாகவே ஒரு தலைவரின் மரணம் அனுதாப அலையை உருவாக்கும். மேலும், ராம் விலாஸ் பஸ்வானின் மறைவையொட்டி எதிரணியில் உள்ளோர் சிராக் பஸ்வான் மீது கூர்மையாக தாக்குதலில் ஈடுபட தயங்குவார்கள்.

இதேபோல், மாநிலத்தில் பாஜக கூட்டணியில் இல்லாததால் பிரதமர் மோடியை மையப்படுத்தி வாக்கு சேகரிக்க கூடாது என சொல்லி வந்த பாஜகவும், சிராக் பஸ்வானுடன் சமரச போக்கில் செல்லும் என சொல்லப்படுகிறது. இதனால், இந்த அனுதாப அலை 17% தலித் வாக்குகளை கொண்ட பிகாரில் சிராக் பஸ்வானுக்கு கை கொடுக்கும் என்று நம்பப்படுகிறது.

Stay Connected

16,985FansLike
2,458FollowersFollow
61,453SubscribersSubscribe

Must Read

ஸ்ரீரெட்டிக்கு அடித்த ஜாக்பாட்: அந்த நடிகையின் வாழ்க்கை வரலாறு படத்துக்கு இவுங்கதான் சரி!

தெலுங்கு திரையுலகில் நடிக்க வாய்ப்புக்காக நடிகைகளை பலாத்காரம் செய்யும் பழக்கம் இருக்கிறது என்ற புகார்களோடு தமிழகத்துக்குள் நுழைந்த ஸ்ரீரெட்டி தமிழ் திரையுலகில் விஷால், ராகவா லாரன்ஸ் உள்ளிட்டோர் மீது ஆதாரமற்ற குற்றச்சாட்டுகளை தொடர்ந்து...

ஏன் 120/80 இருந்தால் நார்மல் ரத்த அழுத்தம்., இது ஒவ்வொருவருக்கும் வேறுபடுமா?

முன்பெல்லாம் 50 வயதுக்கு மேற்பட்ட சில நபர்களுக்கு மட்டுமே ரத்த அழுத்தம் இருப்பதாக கேள்விப்பட்டிருப்போம். தற்போது, 30 வயதுடையவர்கள் கூட பி.பி. இருப்பதாக சர்வ சாதாரணமாக கூறிவிட்டு செல்கின்றனர். இதனால், ரத்த அழுத்தம்...

சசிகலா விஷயத்தில் மௌனம்: தனி ரூட்டில் பயணிக்கும் ஓபிஎஸ்!

பெங்களூரு சிறையிலிருந்து விடுதலையான சசிகலா குறித்து இதுவரை எவ்வித கருத்தும் தெரிவிக்காமல், துணை முதலமைச்சரும், அதிமுக ஒருங்கிணைப்பாளரும் ஓ.பன்னீர்செல்வம் மௌனம் காத்து வருகிறார். சொத்து குவிப்பு வழக்கில் நான்கு ஆண்டுகள் சிறை தண்டனை அனுபவித்த...

பொதுநலன் கருதி “தூது”- தேர்தல் நேரத்தில் இதெல்லாம் சந்திக்கனும்- உஷார் மக்களே!

தமிழகத்தில் தேர்தல் தேதி அறிவிக்கப்பட்டுள்ளது. அறிவித்த நாளில் இருந்தே தேர்தல் நடத்தை விதிகள் அமல் படுத்தப்பட்டது. தங்களது பகுதிகளில் திடீரென சாலைகள் முளைக்கும். முளைக்கும் சாலைகள் பாதியோடு அறுபட்ட நிலையில் இருக்கலாம் காரணம்...

Related News

ஸ்ரீரெட்டிக்கு அடித்த ஜாக்பாட்: அந்த நடிகையின் வாழ்க்கை வரலாறு படத்துக்கு இவுங்கதான் சரி!

தெலுங்கு திரையுலகில் நடிக்க வாய்ப்புக்காக நடிகைகளை பலாத்காரம் செய்யும் பழக்கம் இருக்கிறது என்ற புகார்களோடு தமிழகத்துக்குள் நுழைந்த ஸ்ரீரெட்டி தமிழ் திரையுலகில் விஷால், ராகவா லாரன்ஸ் உள்ளிட்டோர் மீது ஆதாரமற்ற குற்றச்சாட்டுகளை தொடர்ந்து...

ஏன் 120/80 இருந்தால் நார்மல் ரத்த அழுத்தம்., இது ஒவ்வொருவருக்கும் வேறுபடுமா?

முன்பெல்லாம் 50 வயதுக்கு மேற்பட்ட சில நபர்களுக்கு மட்டுமே ரத்த அழுத்தம் இருப்பதாக கேள்விப்பட்டிருப்போம். தற்போது, 30 வயதுடையவர்கள் கூட பி.பி. இருப்பதாக சர்வ சாதாரணமாக கூறிவிட்டு செல்கின்றனர். இதனால், ரத்த அழுத்தம்...

சசிகலா விஷயத்தில் மௌனம்: தனி ரூட்டில் பயணிக்கும் ஓபிஎஸ்!

பெங்களூரு சிறையிலிருந்து விடுதலையான சசிகலா குறித்து இதுவரை எவ்வித கருத்தும் தெரிவிக்காமல், துணை முதலமைச்சரும், அதிமுக ஒருங்கிணைப்பாளரும் ஓ.பன்னீர்செல்வம் மௌனம் காத்து வருகிறார். சொத்து குவிப்பு வழக்கில் நான்கு ஆண்டுகள் சிறை தண்டனை அனுபவித்த...

பொதுநலன் கருதி “தூது”- தேர்தல் நேரத்தில் இதெல்லாம் சந்திக்கனும்- உஷார் மக்களே!

தமிழகத்தில் தேர்தல் தேதி அறிவிக்கப்பட்டுள்ளது. அறிவித்த நாளில் இருந்தே தேர்தல் நடத்தை விதிகள் அமல் படுத்தப்பட்டது. தங்களது பகுதிகளில் திடீரென சாலைகள் முளைக்கும். முளைக்கும் சாலைகள் பாதியோடு அறுபட்ட நிலையில் இருக்கலாம் காரணம்...

குலை நடுங்குகிறது: வெங்கட்பிரபுவின் “லைவ் டெலிகாஸ்ட்” எப்படி இருக்கு?

வெங்கட்பிரபு இயக்குனராக அறிமுகமாக நினைத்ததும் அவரது முதல் கதை லைவ் டெலிகாஸ்ட் கதைதானாம். இந்த சீரிஸ் ராகவா லாரன்ஸ் நடித்த காஞ்சனா-2-வின் தழுவலாக இருக்கிறது. லைவ் டெலிகாஸ்ட்டில் பேய்யை நேரடியாக மக்களுக்கு காட்ட...

LEAVE A REPLY

Please enter your comment!
Please enter your name here